ანუ რამდენიმე პრაქტიკული რჩევა მათთვის,
ვინც გადაწყვიტა მობილური ტელეფონის შეძენა

წავიდა ის დრო, როცა უახლესი მობილური ტელეფონები უცხოეთიდან ჩამოჰქონდათ მსურველებს. დღეს ჩვენში ნებისმიერი აპარატის ყიდვა შეიძლება. სულ უფრო და უფრო მეტი ერთვება ამ ბიზნესში და საქმიან ადამიანს მობილური ტელეფონებისა და აქსესუარების ფართო არჩევანი ეძლევა.
და მაინც, უკვე მაღაზიაში მისული, ძნელია გაერკვე ყველა ნიუანსში, მოდელი იმდენნაირი არსებობს და მონაცემებიც იმდენად განსხვავებულია, რომ უკეთესი იქნება, თუ მშვიდად აწონ-დაწონით, რომელი აპარატი დააკმაყოფილებს ყველაზე მეტად თქვენს მოთხოვნებს.
ვფიქრობთ, ასეთ შემთხვევაში არჩევანი გაგიიოლდებათ და უკვე შესაძენად მისულები, ადვილად შეარჩევთ თქვენთვის სასურველ მობილურ ტელეფონს.
ამჯერად იმ მობილურ ტელეფონებს წარმოგიდგენთ, რომლებიც განსაკუთრებით პოპულარულია ჩვენში და იმ პარამეტრებსაც გაგაცნობთ, რომელთა ცოდნაც ვფიქრობთ, მნიშვნელოვანი იქნება ახალი �მეგობრის� შეძენისას.
უპირველესად, აუცილებელია განისაზღვროს, ტელეფონის რა მახასიათებლებია თქვენთვის განსაკუთრებით მნიშვნელოვანი. გამოყენების სპეციფიკიდან გამომდინარე, შეიძლება უმთავრესი იყოს:
* აპარატის ბატარეის მუშაობის ხანგრძლივობის მაღალი მაჩვენებელი;
* აპარატის მცირე გაბარიტული ზომები და წონა;
* ტელეფონის მაღალი მექანიკური გამძლეობა;
* ვიბროზარის არსებობა;
* ხმოვანი შეტყობინების ჩაწერის შესაძლებლობა;
* დამატებითი ფუნქციები: საათი, მაღვიძარა, კალკულატორი, კალენდარი, თამაშები.

მობილური ტელეფონის შეძენისას კიდევ ერთი, არცთუ უმნიშვნელო ფაქტორია გასათვალისწინებელი. გარკვეული პერიოდის გასვლის შემდეგ მფლობელს ხშირად უჩნდება სურვილი, შეისყიდოს დამატებითი აქსესუარები: სათადარიგო ბატარეა, მანქანიდან დასატენი მოწყობილობა, მანქანაში ჩასამონტაჟებელი კომპლექტი, ყურსასმენი, დამატებითი ბატარეის დასატენი მოწყობილობა და ა.შ. ასევე, არცთუ იშვიათად, საჭირო ხდება აპარატის შეკეთება. იმის გამო, რომ ჩვენში ჯერჯერობით აქსესუარების უმეტესობა მხოლოდ დიდი კომპანიების მობილური ტელეფონებისთვისაა გამოსადეგი, ალბათ, უმჯობესი იქნება, შეიძინოთ სწორედ ასეთი, ჩვენში ყველაზე მეტად გავრცელებული ტელეფონები.

აქვე რამდენიმე რჩევას ვთავაზობთ მათ, ვისაც გადაწყვეტილი აქვს მობილური აპარატის საზღვარგარეთიდან ჩამოტანა:
- პირველი, რაც უნდა გაითვალისწინოთ ყიდვის დროს, მობილური ტელეფონის მუშაობის სისტემა გახლავთ. ჩვენი კომპანია მუშაობს GSM სისტემაში 900 მეგაჰერც სიხშირეზე, ამიტომ აპარატიც შესაბამისი სიხშირისა უნდა შეირჩეს. ეს სისტემა ფართოდ არის გავრცელებული ევროპის კონტინენტზე და ამ სისტემის აპარატებიც ევროპაში უფრო ხელმისაწვდომია, მაშინ, როდესაც ამერიკაში AMPS სტანდარტზე მომუშავე ტელეფონები ჭარბობს, რომლებიც ჩვენს ქსელთან შეუთავსებელია.
- მსოფლიოს ბევრი ოპერატორი საკუთარი ბაზრის დასაცავად ისეთ ბერკეტს იყენებს, როგორიცაა: ტელეფონის დაბლოკვა თავისი ქსელის SIM ბარათზე. ტელეფონის სხვა ქვეყანაში გატანისას, თუ მასში სხვა ქსელის ბარათი ჩაიდება, იგი გამოუსადეგარი ხდება. ასეთი შემთხვევისგან თავის დასაზღვევად, ტელეფონის უცხოეთში შეძენისას, აუცილებლად აცნობეთ გამყიდველ კომპანიას, რომ აპარატი სხვა ქვეყანაში გამოსაყენებლად გჭირდებათ. ნუ ეცდებით, შეისყიდოთ აპარატები იქ, სადაც აპარატის ფასი 5-10 ფუნტია - ეს ხომ უმეტესად ქსელზე დაბლოკილი ტელეფონებია.
- და კიდევ: უცხოეთში (ისევე როგორც ჩვენში) მობილური ტელეფონები არ იყიდოთ შემთხვევითი პირებისგან; მოერიდეთ მოპარულ ტელეფონებს - გაითვალისწინეთ, რომ მოპარული აპარატების სერიული ნომრები იცვლება ოპერატორებს შორის და დგება ე.წ. �შავი სია�, ამდენად მათი გამოყენება ყველა ქვეყანაში შეიზღუდება.

P.S. - თითოეული აპარატის პარამეტრები აღებულია მწარმოებელი კომპანიების მიერ გამოცემული საინფორმაციო ბუკლეტებიდან.
- ბატარეის მუშაობის ხანგრძლივობა მოცემულია სტანდარტული (კომპლექტში შემავალი) ბატარეისთვის და იგი ასევე დამოკიდებულია ქსელის კონფიგურაციაზე.

მოდელი	Nokia 8810	Nokia 6110	Samsung SGH 600	Motorola V3688	Ericsson GH688	Motorola StarTac130	Sony Z1	Nokia 5100	Motorola cd920	Ericsson GF788	Ericsson GA628	Motorola d160	Philips Diga/Twist	Motorola 8700	Simens S8	Nokia8110i
ბატარეის მუშაობის ხანგრძლივობა ლოდინის რეჟიმში (სთ-ში)	36	70	55	100	65	100	50	70	105	60	83	50	30	75	60	30
ბატარეის მუშაობის ხანგრძლივობა საუბრის რეჟიმში (სთ-ში)	100	180	150	180	210	180	480	180	270	180	195	160	60	180	240	50
დამუხვტვის დრო (წთ-ში)	150	240	240	120	120	150	240	240	180	90	180	90	150	90	120	60
ზარების ტიპების რაოდენობა	35	35	35	11	11	11	14	30	11	11	11	11	8	11	5	16
აპარატის მეხსიერება	250	50	150	199	100	100	100	-	199	99	100	-	-	99	-	50
ვიბროზარი	Yes	No	Yes	Yes	No	Yes	No	No	Yes	No	No	No	No	Yes	No	No
ზომები (მმ-ში)	18x107x46	28x130x47	21x108x44	25x83x44	26x127x46	20x93x52	24x99x64	31x132x47	23x128x53	24x105x49	23x130x49	27x155x55	19x147x56	23x130x59	16x159x55	25x141x48
წონა (გრამებში)	118	127	95	83	160	95	220	170	139	135	215	235	159	211	180	152
შენიშვნა	თუ თქვენ გსურთ პრესტიჟული აპარატი - იყიდეთ Nokia 8810, იგი გაცილებით მეტია, ვიდრე მხოლოდ მობილური ტელეფონი!	მასზე ბევრად პატარა Nokia 8810-ის გამოსვლამ ვერაფრით შეამცირა ამ მოდელის პოპულარობა: მაღალი გამძლეობა, ბატარეის მუშაობის განსაკუთრებული ხანგრძლივობა, უამრავი ფუნქცია. კალკულატორის, მაღვიძარა საათის, თამაშების ჩათვლით.	სამსუნგის ყველაზე პოპულარული მოდელი, უამრავი ფუნქციით და აქტიური ფლიპით ხმოვანი დარეკვის საშუალებით.	მოტოროლას ყველაზე პატარა ტელეფონი, 1999 წლის აღმოჩენა ალბათ 21-ე საუკუნის მოდელის წინამორბედი იქნება.	კომპანიის ერთ-ერთი საუკეთესო მოდელი, საათით, მაღვიძარათი, კლავიატურის. ავტომატური ჩაკეტვით.	კარგი მიღება-გადაცემა, წინა მოდელებისგან განსხვავებით გაუმჯობესებული ბატარეა და მექანიკური გამძლეობა.	სიგნალის გაძლიერების მაღალი დონე, 20 წამი საუბრის ჩაწერის საშუალება, ერთ-ერთი საუკეთესო მენიუ, გრაფიკული დისპლეი, საათი, კალენდარი.	ფერადი პანელების გამოცვლის საშუალება, დახვეწილი რუსულენოვანი მენიუ, საათი, მაღვიძარა, კალკულატორი, თამაშები.	3 წუთი საუბრის ჩაწერის საშუალება, შემომავალი ზარის გამორთვა კლავიშზე ხელის დაჭერით, სიგნალის გაძლიერების მაღალი დონე, კონფერენცზარი.	კომპაქტური ტელეფონი, მოხერხებული მენიუ, უარყოფითი მხარე: აპარატის მეხსიერებაში არ ინახება ის ნომრები, რომელზეც აბონენტმა უპასუხა.	კომპაქტური ზომები, მინიმალური კონფიგურაცია, დაბალი ფასი, კლავიატურის ავტომატური დაბლოკვა.	თბილისის ყველაზე პოპულარული ტელეფონი, ბატარეის მუშაობის განსაკუთრებული ხანგრძლივობა, მაღალი გამძლეობა.	ერთ-ერთი ყველაზე იაფი მობილური აპარატი, მინიმალური ფუნქციები.	სიგნალის გაძლიერების მაღალი ხარისხი, სწრაფი მენიუს ფუნქცია, მენიუში კონფიგურაციის შეცვლის საშუალებით, ზარის და ვიბრაციის ერთდროულად ჩართვის საშულება.	შესაძლებლობა დაბლოკოთ თქვენი ტელეფონი კონკრეტულ SIM ბარათზე, შეზღუდოთ გამავალი და შემომავალი ზარები მხოლოდ მეხსიერებაში ჩაწერილი ნომრებით.	შესაძლებლობა მეხსიერებაში ჩაწერილ ნომრებს მიანიჭოთ განსხვავებული ზარები, ფლიპის გაუხსნელად უპასუხოთ შემომავალ ზარებს.

ლევან ბუჩუკური
მაგთიკომის მომხმარებელთა
მომსახურებისა და
მარკეტინგის დეპარტამენტის უფროსი